Suzuki píanónám

Tónlistarskólinn í Garði býður upp á Suzuki píanónám.  Námið er byggt á hugmyndafræði Shinichi Suzuki sem þróaði námsefni og aðferð fyrir unga nemendur frá 3 ára aldri og uppúr. 

 Suzukinám

Öll börn geta lært ef umhverfið er hvetjandi!

 Suzukiaðferðin byggir á þeirri grunnhugmynd að öll börn geti lært tónlist, rétt eins og þau geta öll lært móðurmál sitt. Það sem til þarf er tónlist í umhverfinu, góður kennari og virk þátttaka og uppörvun foreldra.

 Helstu einkenni aðferðarinnar og tilhögun námsins:

• Börnin geta byrjað ung eða um fjögurra til fimm ára.
• Börnin læra eftir eyra með stöðugri hlustun á námsefnið.
• Nótnalestur bætist við síðar.
• Foreldrar fylgja með í alla tíma og æfa með börnunum heima.   Foreldrar verða að vera tilbúnir að verja góðum tíma í að æfa sig á   hljóðfærið og aðstoða barnið sitt á hverjum degi.

• Námið felst bæði í einstaklingstímum og hóptímum.
• Einstaklingstímar eru einu sinni í viku, hálftíma í senn. Hóptímar eru aðra hverja viku, klukkutíma í senn.
• Upprifjun er snar þáttur í náminu.

• Ýmislegt fleira má nefna, t.d. jákvætt hugarfar og hvatning, börnin eru látin koma fram á tónleikum frá því fyrsta, foreldrafræðsla í byrjun, einbeiting að einu atriði í einu, leikur og gamansemi, herminám fremur en útskýringar.    

Sækja um hér: